Аб сустрэчы з генеральным дырэктарам канцылярыі знешніх сувязяў правінцыі Гуандун
20.07.2020 г.Генеральны консул Рэспублікі Беларусь у г.Гуанчжоу Андрэй Папоў 20 ліпеня 2020 г. сустрэўся з генеральным дырэктарам Канцылярыі знешніх сувязяў Народнага ўрада правінцыі Гуандун (КНР) спадаром Чэнь Цюянем.
Бакі абмеркавалі дынаміку адносін паміж Рэспублікай Беларусь і правінцыяй Гуандун, у тым ліку па лініі пабрацімства Мінскай вобласці з дадзеным рэгіёнам Кітая.
Суразмоўцы дамовіліся аб далейшых сумесных кроках па стварэнні двухбаковай рабочай групы паміж двума пабрацімскімі рэгіёнамі, а таксама аб узаемадзеянні ў прыцягненні гуандунскіх кампаній у якасці рэзідэнтаў у індустрыяльны парк «Вялікі камень».
